BCG დაარსდა 2003 წელს კვალიფიციურ მენეჯერთა და მკვლევართა მიერ, რომელთაც აქვთ გუნდური მუშაობის 15 წლის გამოცდილება. ორგანიზაცია წარმატებით მუშაობს ბიზნეს და საზოგადოებრივ სექტორებში.

ფართომასშტაბიან საერთაშორისო პროექტებში მონაწილეობა და მსოფლიოს წამყვან კვლევით კომპანიებთან ურთიერთობა საშუალებას გვაძლევს თვალყური ვადევნოთ და გავიზიაროთ კვლევით სფეროში არსებული სიახლეები, შევქმნათ ახალი მეთოდოლოგიები და პროდუქტები, ღრმა და არგუმენტირებული ანალიზისათვის, რომელიც მარტივი აღსაქმელი, კონკრეტული და არაორაზროვანია, სრულად შეესაბამება კლიენტის მოთხოვნას და კლიენტს აძლევს პრობლემის სტრატეგიული ხედვის და პრაქტიკაში გამოყენების შესაძლებლობას.

არსებობის 9 წლის განმავლობაში საქართველოში არსებული დიდი ბიზნესები, მთავრობა, არასამთავრობო და საერთაშორისო ორგანიზაციები ჩვენგან იღებდნენ პასუხებს ყველაზე მწვავე და კრიტიკულ კითხვებზე. ჩვენი რეპუტაცია აგებულია სანდო მოწესრიგებული, სწრაფი და მისაღები ფასის მქონე სერვისის და შედეგების მიწოდებაზე. მჭიდრო კონტაქტები დასავლეთ ევროპის წამყვან უნივერსიტეტებთან ჩვენს კვლევებს მყარ მეცნიერულ საფუძველს უქმნის.

BCG Research ფარავს მთელს საქართველოს.

ჩვენი რეგიონალური ქსელები განთავსებულია შემდეგ ქალაქებში: გორი, რუსთავი, თელავი, ქუთაისი, ზუგდიდი, ფოთი, ოზურგეთი, ბორჯომი, მცხეთა, ბათუმი.

ვახორციელებთ კვლევებს სომხეთსა და აზერბაიჯანში.